Ақтөбе құрылыс-монтаж колледжінің күндізгі оқу бөлімі бойынша ақпарат

2019-2020 оқу жылының басында Ақтөбе құрылыс-монтаж колледжінде барлық білім алушы саны – 831, оның ішінде мемлекеттік тапсырыс  бойынша білім алатын  білім алушылар саны – 584 .

Мамандар  даярлау 17 мамандық бойынша жүргізіледі:

1. «Ғимараттар мен құрылымдарды салу және пайдалану» (біліктілігі «Техник-құрылысшы»);
2.  «Жиһаз өндірісі (түрлері бойынша)» (біліктілігі: «Техник-технолог»);
3.  «Темірбетон және металл бұйымдары өндірісі (түрлері бойынша)» (біліктілігі: «Техник-технолог»);
4. «Геодезия және картография» (біліктілігі: «Техник-геодезист»);
5.  «Сәулет өнері» (біліктілігі: «Техник-жобалаушы»).
6. «Дизайн (бейін бойынша) (біліктілігі:  «Дизайнер»);
7. «Газбен қамтамасыз ету жабдықтары мен жүйелерін құрастыру және пайдалану» (біліктілігі:  «Газ объектілері құрал жабдығын пайдалану технигі»);
8. «Бағалау» (біліктілігі «Техник-бағалаушы»);
9. «Дене тәрбиесі және спорт» (біліктілігі «Дене тәрбиесі және спорт пәнінің мұғалімі»);
10.  «Автоматтандыру және басқару (бейін  бойынша)» (біліктілігі «Электромеханик»);
11. «Азаматтық ғимараттар ішкі көрінісінің дизайны, қалпына келтіру, қайта құру» (біліктілігі «Техник-дизайнер»);
12. «Есеп және аудит (салалар бойынша)» (біліктілігі «Экономист-бухгалтер»);
13. «Стандарттау, метрология және сертификаттау (салалар бойынша)» (біліктілігі «Стандарттау технигі»);
14. «Электрмен қамтамасыз ету (салалар бойынша)» (біліктілігі «Техник-электрик»);
15.  «Автомобиль көлігіне техникалық қызмет көрсету, жөндеу және пайдалану»                               («Техник-механик»);
16. «Есептеу техникасы және бағдарламалық қамтамасыз ету (түрлері бойынша)» (біліктілігі «Техник»);
17. «Құрылыс бұйымдары мен құрастырылымдар өндірісі» (біліктілігі «Техник-технолог»);

      2019-2020 оқу жылының І және ІІ жарты жылдығы бойынша сабақ кестесі, қоңырау кестесі, емтихан кестелері уақытында бекітіліп отыр.

2019-2020 оқу жылының  басында  педагогикалық оқытушылар құрамының  саны -61 . Барлық мамандықтар бойынша сабақ беретін мамандар жеткілікті. Жалпы колледж бойынша: жоғары санатты оқытушылар-26%, магистрлар-9,8%, бірінші санатты оқытушылар – 9,8%, екінші санатты оқытушылар-33% құрайды. Арнаулы пәндер бойынша сабақ беретін оқытушылардың  өндірістік салада тәжірибелері бар мамандар.